Testo di ’A Verità – Rocco Hunt ft. Enzo Avitabile

[Testo di "'A verità" ft. Enzo Avitabile]

[Strofa 1: Rocco Hunt]
'Sti scole so' fracide, stanno cadenno 'e mmura
Nun mancano 'e talente, ancora peggio, mancano 'e strutture
Stammo in fuorigioco, 'a soluzione è a te ne í da lloco
Te chiagne 'o core si nu frate se perde 'int'â droga
'O Stato nun fa niente, c'hanno abbandunato
Dint'a trent'anne ancora nn'hanno fatto l'autostrada
Parlammo d''e straniere e simmo pronte a fà na predica
Ma nun penzammo a quanno simmo jute nuje in America
Veco 'a malincunia 'int'a ll'uocchie 'e nu criaturo niro
Ch''e muosche 'ncuollo, c''a famme a ll'uocchie ca t'accide
Tene 'e cumpagne ca a diec'anne stanno c''o fucile
Ma già so' furtunate pecché llà a diec'anne nun c'arrive
'A regione d''a munnezza, piscature 'e rezza
A quatto 'ncopp'ô mezzo, penza che so' crisciuto ampresso
E quanti guagliune jute 'ncielo senza salutà
Ma chi more campa dint'ô core 'e chi nun pò scurdà

[Ritornello: Rocco Hunt, Enzo Avitabile]
'A verità, ogne ommo 'ncopp'a chesta terra vò la verità
L'ommo è ignorante a credere ca 'a terra è 'a soja
Distrugge 'e piante pe ffà carte e 'ncopp'ê carte scrive 'a storia

'A verità, ogne ommo 'ncopp'a chesta terra vò la verità
L'ommo è ignorante a credere ca 'a terra è 'a soja
Distrugge 'e piante pe ffà carte e 'ncopp'ê carte scrive 'a storia

[Strofa 2: Rocco Hunt]
I' prego a Dio e d''a fortuna d''a gente 'mmiez'â via
'A stessa fortuna d''a mia, te stressa a vivere accussí
E 'sta bandiera nun ce serve pecché nn'ce rapresenta
Nuje nun simmo na nazione, i' cancellasse 'o parlamento
E 'o presidente d''o consiglio nn'se ne fotte d''e famiglie
Chi tene a carico tre figlie 'o stipendio nn''o piglia
Nn'se ne fotte d''o studente ca s'impegna pe gghí a scola
Nn'se ne fotte 'e ll'istruzione, pe studià s'ha ddà í fore
Danno cchiù importanza all'economia, â finanzia
Vonno sapé tutt''e cazze e traseno 'int'ê cunte banca
Comm'è ca ô Sud Italia nun c'arriva 'a Freccia Rossa
Comm'è ca p''a Sicilia nn'hanno fatto 'o ponte
Pe'mmé nn'esiste Italia fin'a quanno esiste 'a Padania
Nun è ca so' razzista, so' mill'anne ca so' schiavo
'A gente nn'c''a fa cchiù a piglià sule batoste
'A culpa è 'a vostra, nun credimmo 'int'â bandiera verde, bianca e rossa

[Ritornello: Rocco Hunt, Enzo Avitabile]
'A verità, ogne ommo 'ncopp'a chesta terra vò la verità
L'ommo è ignorante a credere ca 'a terra è 'a soja
Distrugge 'e piante pe ffà carte e 'ncopp'ê carte scrive 'a storia

'A verità, ogne ommo 'ncopp'a chesta terra vò la verità
L'ommo è ignorante a credere ca 'a terra è 'a soja
Distrugge 'e piante pe ffà carte e 'ncopp'ê carte scrive 'a storia

[Strofa 3: Enzo Avitabile]
I' 'a quanno so' nato, nu deserto songo stato
Deserto d''o deserto 'e chille ca c'annno cumannato
C'anno acciso, 'ncatenato, scamazzato e scassato
Arricuordete 'e me, arricuordete pure 'e te
[?] chesta strada quanti rammagge ca ce fa
Camminammo 'ncumpagnia mane e mane Rocco e i'
E luttammo ogge e sempe pe nun vivere inutilmente
E chi pe sempe ha luttato ogge e sempe sia arricurdato
Sia arricurdato Che Guevara ca sta 'ncielo e pure nun s'è stato
T'hann''a cride', pure ce cride finché 'a giustizia nun se vede
Ma se è 'a verità ca nuje vulimmo, facimmo coccosa e cagnammo
'O popolo sta sdignato, sotto sotto esasperato
Juorno e notte s'è abbracciato chesta croce 'e carcerato
Sempe dicimmo: "Misericordia, Santa Maria 'e Custantinopoli
Pe cielo vuje da terra, sanghe 'e Cristo aiutame tu
Maria e Sant'Anna arrepareme tu"
I' 'a quanno so' nato m'aggio sempe addumandato 'o Stato chi è
E si se pò parlà d''o Stato c''o Stato
'O Stato è comme 'a fede, sulo dumande e maje risposte
'O Stato tene na scusa: mo nn'ce sta
Punto e basta

[Ritornello: Rocco Hunt, Enzo Avitabile]
'A verità, ogne ommo 'ncopp'a chesta terra vò la verità
L'ommo è ignorante a credere ca 'a terra è 'a soja
Distrugge 'e piante pe ffà carte e 'ncopp'ê carte scrive 'a storia

'A verità, ogne ommo 'ncopp'a chesta terra vò la verità
L'ommo è ignorante a credere ca 'a terra è 'a soja
Distrugge 'e piante pe ffà carte e 'ncopp'ê carte scrive 'a storia