Testo di Fiocco azzurro – Rocco Hunt

[Testo di "Fiocco azzurro"]

[Strofa 1]
Ê vote, 'o ssaje, vulesse stà cchiù tiempo assieme
Quanno stongo fore o faccio tarde 'a sera
Nun bastano 'e regale p'avé nu rapporto
Intanto staje criscenno e nun me ne so' accorto
Sî bello mentre duorme e t'accarezzo 'a faccia
Scusa si 'e cose 'e ll'ati pate i' nun 'e faccio
Però te voglio fà sapé na cosa
Ca papà pe'tté è orgoglioso e 'o può chiamà pe tutte cose (Ehi)
Quanno 'o barbiere ce fa 'a sfumatura uguale
Simmo proprio tale e qualе, comme a quanno ero criaturo
Mamma se 'ncazza pеcché dice ca so' curte
Ma nun ne capisce niente, cheste so' cose 'e guagliune
I' voglio sulo 'o meglio pe'tté
Tutt''o male m''o tenesse pe'mmé
Pregie e difette, chisto songo i'
Sî 'o traguardo cchiù bello d''a vita mia

[Ritornello]
Sto criscenno 'nziem'a te, so' criaturo pure i'
Penzo a te 'int'a tutt''e poste addò me porta 'a vita mia
Vulesse essere perfetto, ma nun se pò
Ma t''o ggiuro ca te penzo pure mentre sonno
Quanno nasciste tu, ma chi s''o scorda cchiù
Dint'a na vita scura appenniste nu fiocco azzurro
Vulesse fermà 'o tiempo, ma nun se pò
Ma t''o ggiuro ca ce stongo quanno me vuò

[Strofa 2]
'O cunfesso, so' orgoglioso si te sento 'e cantà
'A scola ch''e cumpagne tuoje na canzone 'e papà
Quanno te vieste comme a me, faje 'e mosse comme a me
Me faje sentí n'eroe cu nu mantello 'ncuoll'a me
Torno criaturo a costruí nu castello
Cu nu disegno a fà 'stu munno cchiù bello
Mettenno 'e suonne dint'â cartella
A vulà c''a fantasia 'ncopp'ê stelle
Si staje criscenno bbuono, è grazie a mammà
Ca pe'tté tene pacienza e nn'saccio maje comme fa
I' ca so' sulamente bravo 'a cantà
Mentre me perdo 'int'ê canzone e nn'tengo tiempo 'e pazzià
I' voglio sulo 'o meglio pe'tté, tutt''o male m''o tenesse pe'mmé
Pregie e difetti, chisto songo i'
Sî 'o traguardo cchiù bello d''a vita mia

[Ritornello]
Sto criscenno 'nziem'a te, so' criaturo pure i'
Penzo a te 'int'a tutt''e poste addò me porta 'a vita mia
Vulesse essere perfetto, ma nun se pò
Ma t''o ggiuro ca te penzo pure mentre sonno
Quanno nasciste tu, ma chi s''o scorda cchiù
Dint'a na vita scura appenniste nu fiocco azzurro
Vulesse fermà 'o tiempo, ma nun se pò
Ma t''o ggiuro ca ce stongo quanno me vuò

[Outro]
Papà, buongiorno
Sto dando tanti bacini a mamma
Papà, mi manchi
Dove sei?
Non fare il monello, faccio il bravo io