Testo di INTRO – Dipinto, Frezza

[Testo di "INTRO"]

[Intro: Dipinto & Frezza]
A-A-A-Arie, fallo tu, fa'
Cosmothadon
Simmo angele 'e strada
Sto cu Fresh Beatz
'A voce d''a vecchia scola

[Strofa 1: Dipinto]
A undic'anne 'e primi cumpagne, a dudece bullizzato
A tridece me vendicaje, a quattuordece faticavo
A quindice giudicato, a sidece 'o primmo piezzo
A dicesette 'o primmo pacco, a diciotto ggià sott'ê piazze
A diciannove ati reate, a vinte Poggioreale
A vintuno 'o colpo 'e fortuna, vintidoje firmo 'o cuntratto
E mentre me chiammave "scemo" mo sto 'int'â scena italiana
Salvatorе me salvaje e mе luaje 'a 'mmiez'â strada
All eyes on me
Tengo sempe ll'uochie 'ncuollo 'e tutt''e rapper, 'ncuoll'a me
Pure 'e cumpagne ca me schifano fanno finta ca me fermano
"Uà, Armà, e che staje cumbinanno, t''o ggiuro che staje spaccanno"
Però subito m''e scanzo, i' tengo a peste a tutte quante
'A famiglia [?] Ddio, 'e cumpagne m''e scelgo i'
Pecché, quando faje successo, chella è 'a primma ca te schifa
Sto danno ragione ê film pure si 'o finale è critico
Me dispiace pe vuje, ma 'a fine mia nun pò maje esistere

[Ritornello 1: Dipinto]
Ero n'anema bbona rinchiusa 'int'ô peggio, 'int'a na capa malata
Simmo perze 'int'ê celle, aggio visto l'inferno, ma po tutto è cagnato
Aggio guardato a l'aldilà, aggio affruntato 'e paure e nun m'aggio fermato
Tengo tanti nemice, nn'tengo tiempo p''e cumbattere pecché sto vulanno

[Strofa 2: Frezza]
Guarda addò simmo arrivate e crideme, nun è nu movie
Ero convinto ca nun fosse maje trasuto 'int'addu Gucci
A sidec'anne senza panne, tutt''e cazettine ch''e buche
Nun me vedevo cu essa p''o scuorno 'e me spuglià annudo
Ê diciassette mamma rimane sulo essa
Babbo se ne vola 'ncielo, se porta 'o core mio appriesso
Rimanimmo sulo i' e fratemo e nisciuno cchiù ce penza
Ammacchiato na pistola e 'a capa pronta pe fà 'a guerra
Subito fatte 'e diciotto sorde dê reate e slot
'A vita pareva 'o juoco, sette su sette, no stop
Mane ê mane 'nzieme â morte, adoppo facimmo ll'ossa
Sorpassanno tutte l'ostacole e 'mpennanno grazie ê dosse
Ancora 'doppo 'e diciannove si nun fumo [?] paranoia
Stevo a pede, senza n'euro, cu nu miliardo 'e penziere
Si nu svolto, schiavo moro, quindi svolto oppure moro
'Int'a nu labirinto chiuso cercavo na scappatoia
E bello e buono facco 'e vinte che ero perzo ll'ambizione
'E raggia me sentevo chino, po me cuntattaje Kalionte
Senza caccià manco n'euro chiudettemo "PLATA O PLOMO"
E tutto chello che è succieso adoppo resta 'int'â storia
Allora, ricapitolanno, si tiene fame, magna
Nuje simmo 'a prova reale: pe vencere l'hê vulé no poco ma proprio assaje
Frate, corre, scenne ampresso, na filata 'e nu Richard
'O tiempo nun te guarda 'nfaccia, quindi c''o pigliammo a mano

[Ritornello 2: Frezza]
Ero n'anema bbona rinchiusa 'int'ô peggio, 'int'a na capa malata
Capa pronta p''a guerra, ch''e diavole a ll'inferno, ma po tutto è cagnato
Aggio guardato a ll'aldilà, aggio affruntato 'e paure e nun m'aggio fermato
Tengo tante nemice, nn'tengo tiempo p''e cumbattere pecché sto vulanno