Testo di Libertà – Rocco Hunt

[Testo di "Libertà"]

[Ritornello]
E voglio 'a libbertà
Terra ca me parla 'e libbertà
Mo so' libero 'e 'sta dignità
Nun s''a pò accattà nisciuno (Nisciuno)
Se vive meglio senza a 'sti penziere
Abbracciate ê criature quando tuorne 'a sera
'O munno è assaje cchiù bello dint'a 'st'uocchie innocente
Levateme 'e ccatene e giro 'o munno currenno

[Strofa 1]
So' cuntento comme si esse vinto 'a bulletta
Senza n'euro dint'â sacca e 'a riduzione 'e currente
Nun tenevo manco 'o suonno 'e avé nu cunto corrente
'A pizzeria mannava 'o cunto ma i' già stevo currenno
'O prufossore me dicette: "Tu rieste 'mmiez'a na via."
'O rispunniette: "Sta' tranquillo, vaco in penzione primma i'"
Chella stronza me lasciaje, ce rimaniette male
E si te dico cu chi sta ride pe na settimana
E vafammocca a chi parla senza sapé
Tu m'augure e gghí a ll'Inferno
Ma si vaco a ll'Inferno scinne cu'mmé
I' sto cercanno 'e migliorà me stesso
Perciò nun credo a 'sti pprumesse 'e chi 'a 'ntrasatta me futtesse
A mme m'accide 'st'incertezza, troppi vote penzo assaje
'A capa viaggia, se fa film ca po nun so' asciute maje
Ma pe fortuna 'sta mano ca scorre 'ncopp'a 'stu foglio
Me da 'a forza d''o mare ca sbatte 'ncopp'a 'sti scoglie
Nu futuro diverso resta tutto chello che voglio
Voglio ca figliemo a trent'anne penza: "Patemo è n'ommo"
So' diverso da vuje ca v'attiggiate a tronista
Mille femmene attuorno ma 'a dinto sî sulo e triste

[Ritornello]
E voglio 'a libbertà
Terra ca me parla 'e libbertà
Mo so' libero 'e 'sta dignità
Nun s''a pò accattà nisciuno (Nisciuno)
Se vive meglio senza a 'sti penziere
Abbracciate ê criature quando tuorne 'a sera
'O munno è assaje cchiù bello dint'a 'st'uocchie innocente
Levateme 'e ccatene e giro 'o munno currenno

[Strofa 2]
Tu chesta 'a chiamme libbertà? In realtà simmo prototipe
Schiave legalizzate, stereotipe 'ncuoll'ê popole
E nuje ce stammo mentre 'sti 'nfame manovreno
Stuta 'a televisione, nn'voglio sentí cchiù monologhe
E ddongo fuoco a 'stu beat, nun me dongo pe vinte
Hann''a capí ca nuje nun simmo pecore 'int'ô recinto
Fabio Musta campione e suona 'int'a ll'MPC
Vincimmo 'a coppa d''e campione tra lampione e panchine
E nun me serve 'a cullana, machine rosse e denare
So' crisciuto orgoglioso cu pochi ccose essenziale
Perciò nun voglio ostentà, pe'mmé è questione 'e rispetto
Pure si c'aggio fatta, tengo 'e cumpagne 'int'â merda
Si fanno a mme presidente, desse 'a fatica a tutte quante
Pe seconda cosa, 'o ssaje, legalizzasse 'sta pianta
Tienete 'sti strunzate, RH mo è culto
Volo 'nziem'ê gabbiane, pe'mmé 'a libbertà è tutto

[Ritornello]
E voglio 'a libbertà
Terra ca me parla 'e libbertà
Mo so' libero 'e 'sta dignità
Nun s''a pò accattà nisciuno (Nisciuno)
Se vive meglio senza a 'sti penziere
Abbracciate ê criature quando tuorne 'a sera
'O munno è assaje cchiù bello dint'a 'st'uocchie innocente
Levateme 'e ccatene e giro 'o munno currenno

[Bridge]
Nun vale 'a pena 'e penzà
A quanto male ce sta
Mo voglio sulo sta bbuono senza 'e preoccupazione ca 'sta vita te da
Ascimmo assieme stasera
I' so' cchiù doce si beve
Sî bella pecché sî overa dint'a nu munno ch'è finto e 'a gente nun s'appartene

[Ritornello]
E voglio 'a libbertà
Terra ca me parla 'e libbertà
Mo so' libero 'e 'sta dignità
Nun s''a pò accattà nisciuno (Nisciuno)
Se vive meglio senza a 'sti penziere
Abbracciate ê criature quando tuorne 'a sera
'O munno è assaje cchiù bello dint'a 'st'uocchie innocente
Levateme 'e ccatene e giro 'o munno currenno