Testo di L’occhio del massone – Rocco Hunt

[Intro]
Rocco Hunt, Poeta Urbano
Hann''a sapé comme vanno 'e ccose, vaje
Ehi, ehi, ehi

[Strofa 1]
'E sorde fanno girà 'o munno
Ma quale ammore, quale affetto, si nun tiene 'e banconote nn'sî nisciuno
E quant'è bello a dice' ca 'e sorde nn'fanno 'a felicità
Si 'e ttenesse fosse cchiù cuntento senza 'e m'arrangià
Chi 'e ttene fa 'o padrone, presidente manovreno 'o munno
Simmo burattine 'nfacci'a 'stu squallore
Ammo scoperto aereoplane cchiù veloce d''o suono
E comm'è ca ancora nn'se cura 'o tumore?
Magnammo diossine e bevimmo plutonio, so' figlio 'e 'sti storie
Crescimmo ch''e scorie e ch''e strunzate dicimmo 'int'ê scole
So' anne ca 'o segreto sta 'int'a ll'area 51
Ma quale aliene, 'o frate, l'incognita simmo nuje
Caro politico te cante brutte storie
Ninnille barattate pe nu barile 'e petrolio, mentre
'O Papa ce professa pace e ammore dô balcone
Parle d''o terzo mondo e sfoggie pe ll'aniello d'oro
Ammo visto l'ommo scenne' 'ncopp'â luna
Nostradamus ha scritto 'o futuro: arriveno tiempe assaje scure
Vonno ca ce drogammo, ce vonno belle e mute
Vonno 'e vocche chiuse pe ll'abbuso ca ce fanno
In Islam ancora accideno p''o nomme 'e Allah
Kamikaze ca zompano 'ncielo cercanno na libertà
Tiene 'a kefiah 'ncuollo ma nn'saje manco che significa
In Occidente s''a rideno, in Medio Oriente s'accideno
E 'a verità, nun 'a diceno Bibbia e Corano
Veco anfibie ca percorrono 'o territorio africano
Pe ll'interesse mondiale
'Int'ê miniere d'oro, primma d''a tratta d''e nire
E primma 'e l'arrivo 'e Colombo

[Ritornello]
L'occhio del Massone, il demonio, la tentazione
Triangolo, fedeli piangono, cospirazione
Il demonio è nelle chiese, nelle case, nelle scuole
Meglio vendersi l'anima e dargli quello che vuole

L'occhio del Massone, il demonio, la tentazione
Triangolo, fedeli piangono, cospirazione
Il demonio è nelle chiese, nelle case, nelle scuole
Meglio vendersi l'anima e dargli quello che vuole

[Strofa 2]
'O creaturo in Pakistan, già a dduje anne fa 'o pallone 'e cuojo
Fatica 'a notte e pure 'o juorno e nun vede 'a famiglia soja
Abbraccia nu kalašnikov e lascia tutt''e bambole
'A morte dura n'attimo e 'o core ferma 'e battite
Esiste ancora 'a differenza tra janche e nire
Surdate 'mpazzute sott''o nomme 'e naziskin
Razza ariana e razza umana sott''o nomme d'Hitler
Sta' sicuro, n'ommo comm'a chillo soffre pure sott''a terra
Inquinamento accide 'a gente, 'o munno 'o ssape ma nn'fa niente
Vive, fatiche e muore e nun ottiene si nn'pretiende
'A genta mia more tra diebbete e cambiale
È sempe da 'gnorante, schiave 'e l'ordine mondiale
'Stu disordine è assaje strano
Chi ce cordina è nu 'nfame
Nn'se ne fotte d''a salute, nuje vennute comme schiave
Colombo, jette in America p''e stive
Conquistò 'o terreno accidenno tutt''e native
So' desaparecidos 'e guagliune in Argentina
Futteveno 'o sistema e 'o Stato 'sta gente 'a sopprime
'E zuppe d''o mare in Brasile accideno guagliune 'nfila
Mireno, dint'ê mirine, gireno armate p''e mmine
'E segrete mondiale, nascoste dê state
'O sanno bbuono che c'aspetta, 'o teneno buono accuato
Simmo marionette e a nuje c'avesse da difende'
Ma veco sulo abbuso, manganielle e camionette

[Ritornello]
L'occhio del Massone, il demonio, la tentazione
Triangolo, fedeli piangono, cospirazione
Il demonio è nelle chiese, nelle case, nelle scuole
Meglio vendersi l'anima e dargli quello che vuole

L'occhio del Massone, il demonio, la tentazione
Triangolo, fedeli piangono, cospirazione
Il demonio è nelle chiese, nelle case, nelle scuole
Meglio vendersi l'anima e dargli quello che vuole