Testo di Maletiempo – Rocco Hunt

[Testo di "Maletiempo"]

[Strofa 1]
Sto aspettanno na chiammata ca nun è arrivata maje
L'orgoglio ca ce vò spartute, 'o ffuoco nun se stuta e 'o ssaje
Dimme chi so' 'sti estranei, pecché danno 'e giudizi?
'E cunfedenze chi ce 'e dda? Già ce meje strette amicizie
'A luna pe dispietto chesta sera me vò guardà
Mentre nuje c'appiccicammo p''e strunzate 'o tiempo se ne va
Simmo superiori a chi ce chiamma "Ammore" e po se guarda attuorno
A chi mette 'e cuoricine e po' te mette 'e corna
I' aggio chiagnuto e nun me metto scuorno
Pecché ogne lacrema caduta 'int'a 'sta faccia mo' m'ha fatto n'ommo
Chi parte nun ritorna, 'o ssaje comme funziona
E overo nun me può capì, tu può capì 'e canzoni
Lascio 'a sveglia sunnà, nn'tengo 'a forza 'int'ê cosce
Na jurnata 'a affruntà, 'a pioggia peggiora 'e cose
Nu motivo nun ce sta, perciò me giro, m'addormo
'Sta vita è meno brutta quando sonno

[Ritornello]
Maletiempo e nun s'ha dda sapé
Passa 'o tiempo e nun staje ccà cu'mmé
Maletiempo e nun s'ha dda sapé
Fore sta chiuvenno, ma 'stu maletiempo mio sî tu
Tu sî na cosa ca nun more maje
Tu sî na cosa ca ogne juorno da turmiento
Si chiudo ll'uocchie pare ca ce staje
Me da fastidio quanno parlo e tu nun siente
Tu sî na cosa ca nun more maje
Tu sî 'a colpa pure 'e chisto maletiempo
Fore sta chiuvenno, ma 'stu maletiempo mio sî tu

[Strofa 2]
Me staje dicenno ch’è fernuta e ca so' ll'urdeme minute
Pe piacere sparagnete 'sta faccia dispiaciuta
Sparagnete 'ste scuse pecché so' figure brutte
Mo' nun voglio cchiù discute', mo' nn'fa niente si 'o piatto s'è rutto
'Stu cuscino porta ancora nu prufumo
Ca nun aggio maje scurdato e ca me fa sentì cchiù sulo
Primma o poi c'amm''a 'ncuntrà senza chesta gente attuorno
Nun guardave dint'a ll'uocchie pecché te mettive scuorno
Crisciuto 'mmiez'ô niente perciò nun me mantiene
Cu l'odio 'mmiez'ê dienti, serpienti sotto a 'sti piedi
Sto scoppianno 'a dinto ma 'a fore 'o ssaje nun se vede
Ancora nun riesco a crede' ê parole ca hê ditto ajere
'A vita mia, forse stasera 'o cielo 'o ssaje se fa cchiù scuro
Chiove fore a 'sta mansarda, 'sti lampi fanno paura
Stammo cercanno 'a calma ma lloco nn'ce sta futuro
Appiccio n'ata fiamma e me confido c''a scrittura

[Ritornello]
Maletiempo e nun s'ha dda sapé
Passa 'o tiempo e nun staje ccà cu'mmé
Maletiempo e nun s'ha dda sapé
Fore sta chiuvenno, ma 'stu maletiempo mio sî tu
Tu sî na cosa ca nun more maje
Tu sî na cosa ca ogne juorno da turmiento
Si chiudo ll'uocchie pare ca ce staje
Me da fastidio quanno parlo e tu nun siente
Tu sî na cosa ca nun more maje
Tu sî 'a colpa pure 'e chisto maletiempo
Fore sta chiuvenno, ma 'stu maletiempo mio sî tu