Testo di Na vota ancora – Rocco Hunt

[Testo di "'Na vota ancora"]

[Strofa 1]
Te chiedo scusa si nun songo comme me vulive
Hê fatto 'o massimo pe'mmé ma è colpa d''o destino
Mammà i' aggi''a fuí nun pozzo restà fermo
'Sti fantasme danne 'ncuollo e 'sta esistenza addeventa n'inferno
Nun songo 'o figlio che forse tu t'aspettave
Colpa d''e brutte amicizie, so' juto pe brutte strade
Alla fine so' turnato
Ogne peccatore po' se pente 'e tutt''e sbaglie e torna sempe a cercà ammore
Abbraccieme comme a na vota, stringeme forte
Sto c''a paura 'e restà sulo e nun piglio cchiù suonno 'a notte
E t'arricorde? 'doppo 'e colloque a scola?
'E cucchiarelle adet''e rine, si ce penzo 'e sento ancora
L'educazione ca m'hê dato i' ce 'a dongo a nu figlio
M'hê tramandato 'sti valori e a rispettà 'a famiglia
Mo' ca ce penzo, nun t'aggio maje mise 'int'ê canzoni
'O ssaje te voglio bbene, abbraccieme na vota ancora

[Ritornello]
Mammà tu sî 'a cchiù bella d''e regine
E simmo furtunati si 'int'â casa ce staje tu
Staje scetata ancora si nun m'arritiro
E quanno stongo fore me manche sempe 'e cchiù
'O ssaje te voglio bbene, abbracciame na vota ancora (Na vota ancora)
'O ssaje te voglio bbene, abbracciame na vota ancora (Na vota ancora)

[Bridge]
Nascimmo da na femmena, criscimmo cu na femmena
E amm''a purtà cchiù rispetto a tutt''e femmene
Nascimmo da na femmena, criscimmo cu na femmena
E amm''a purtà cchiù rispetto a tutt''e femmene

[Strofa 2]
Mammà i' te saluto, è l'ora ca me parto
Scusa si so' fujuto ma 'a gioia mia è distante
Nu biglietto dint'ê mane me porta luntano
Guardo 'o riflesso dint'ô specchio, 'o sorriso è vacante
Saluteme a papà, dille ca 'o voglio bene
Ca stesse tranquillo, nun 'o voglio vedé in penziero
So' 'nfame 'sti sere, live e stanze d'arbergo
'Sta gente nun me vò bene, ma i' nun so' nato pe perde' 'o ssaje?
So' vittima 'e nu talento, vittima 'e tutt''a merda
Ca me da 'nguollo e spisse vote me pò sentí
I' nun ce torno dâ scunfitta
Quanno torno voglio stringe' forte chi 'int'ô core m'ha tenuto stritto
Na cartulina m'arricorda 'e comme stevemo
Felici 'int'â miseria comme 'e film e Mario Merola
Nascimmo da na femmena, criscimmo cu na femmena e amm''a purtà cchiù rispetto a tutt''e femmene

[Ritornello]
Mammà tu sî 'a cchiù bella d''e regine
E simmo furtunati si 'int'â casa ce staje tu
Staje scetata ancora si nun m'arritiro
E quanno stongo fore me manche sempe 'e cchiù
'O ssaje te voglio bbene abbracciame na vota ancora (Na vota ancora)
'O ssaje te voglio bbene abbracciame na vota ancora (Na vota ancora)