Testo di Nun è giusto – Rocco Hunt

[Testo di "Nun è giusto"]

[Intro]
Pe'mmé nun è giusto
No, nun è giusto
Pe'mmé nun è giusto

[Strofa 1]
Si 'sta vita è comm'a nu biliardo
Allora i' piglio 'a mira pe nu colpo 'e sponda
Si hê deciso overo 'e me stà a ffianco
Vide 'e nn'fà domande ca nn'pozzo risponne'
'E ffacce 'e Cristo ca purtate 'ncuollo
V'hanno visto e s'hanno miso scuorno
M'addumanno quase tutt''e juorne:
"C''a cuscienza sporca comme piglie suonno?"
Pate trascurano figlie ca cresceno sule, 'mpazzute, sbandate
Chi fa abbundunà na famiglia
Pe'mmé nun è n'ommo, è sultanto nu 'nfame
Otto potente manovrano 'o munno
Talmente d''e sorde, ma che se ne fanno?
Si 'sti solde, fra', so' fatte 'e carta
E a vuje nun costa niente, pecché nn''e stampate?
'A repressione ca cresce e adoppo fernesceno tutt''e passione
Mo fanno 'e diffide pe niente
Si appiccio na torcia o si caccio 'o striscione
Pe'mmé nn'è giusto ca chi fa 'e macchiette
'Ncopp'â pelle nosta mo sta ancora fore
Pe'mmé nn'è giusto ca 'a rassegnazione
Lloco è 'a primma cosa ca te 'mpara 'a scola

[Pre-Ritornello]
Finché 'o lampione nn'se stuta
'A notte da pace ê guagliune perdute
C''a capa 'int'ê cunte e 'a paura d''e punte
C''a antenna cchiù grossa e 'a paletta ca spunta
Veco a nu pate 'int'ô centro scommesse
E 'a dignità corre appriesso ô cavallo
Veco a na nonna ca prega 'int'â messa
'O prete che parla, conte doje palle

[Ritornello]
Fra', nun è giusto
Ca 'ncielo se chiammano sempre e cchiù bbuoni guagliune
Pe'mmé nun è giusto
Na mamma ca sfoga 'o dulore addu Barbara D'Urso
No, nun è giusto
Chi tene tanto e chi nun tene niente
E pe'mmé nun è giusto
Chi sta chiagnenno e chi sta redenno
E pe'mmé nun è giusto

[Strofa 2]
'Sti criature stanno catturate
Pecché già a diec'anne teneno n'iPhone
Nuje criscevemo c''a fantasia
Mentre chisti ccà già sapeno tutt''e cose
'O comune a nuje ce leva 'e fuoche
E chiano chiano pure 'e tradizione
Po c'abboffa 'e centre commerciale
Pecché vuje campate appalte e corruzione
Nuje ammo visto inferno e paradiso
Pecché simmo nate e muorte 'o stesso juorno
Na disgrazia vene e nun t'avvisa
E pò cagnà na vita dint'a nu secondo
Ccà nu pate cresce sette figlie, fra'
Sette figlie nn'campano a nu pate
Me fa schifo quando 'o stesso sanghe
Se parla sultanto areto a n'avvocato
Nun è giusto ca te ne sî juto
E m'hê lasciato 'a sulo sott'a 'sta tempesta
Tu sî stato bravo ch''e parole
Ma s''e porte 'o viento, pe'mmé conta 'o gesto
Dio, perduonace tutt''e peccate
Ma pure tu c'hê 'bbandunato lloco
Nun è giusto ca 'sta Terra soffre
Pe tutt''e schifezze cumbinate a ll'ommo

[Pre-Ritornello]
Finché 'o lampione nn'se stuta
'A notte da pace ê guagliune perdute
C''a capa 'int'ê cunte e 'a paura d''e punte
C''a antenna cchiù grossa e 'a paletta ca spunta
Veco a nu pate 'int'ô centro scommesse
E 'a dignità corre appriesso ô cavallo
Veco a na nonna ca prega 'int'â messa
'O prete che parla, conte doje palle

[Ritornello]
Fra', nun è giusto
Ca 'ncielo se chiammano sempre e cchiù bbuoni guagliune
Pe'mmé nun è giusto
Na mamma ca sfoga 'o dulore addu Barbara D'Urso
No, nun è giusto
Chi tene tanto e chi nun tene niente
E pe'mmé nun è giusto
Chi sta chiagnenno e chi sta redenno
E pe'mmé nun è giusto

[Outro]
Fra', nun è giusto
Pe'mmé nun è giusto
No, nun è giusto
Pe'mmé nun è giusto