Testo di O’ mar ‘e o’ sole – Rocco Hunt ft. Clementino

[Testo di "O' mar 'e o' sole" ft. Clementino]

[Intro: Clementino & Rocco Hunt]
Ah, 'ncopp'ô beat 'e Fabio Musta (Ehi-ehi-ehi)
Rocco Hunt (G), Clementino (Differente), Iena White (Shh)
Campania bastard (New school)
Ross, Salerno, SA, ZO (Fratemo Rocco, sî pronto?)
Ehi-ehi-ehi, Clementino (Guagliù, guagliù)

[Ritornello: Clementino & Rocco Hunt]
Fratemo, ce serve 'o mare e 'o sole
Me manca l'aria mo, dateme n'areosol (Guagliù)
Aspetto aret'â fenesta fin quanno 'a pioggia nun cessa (Guagliù)
M'ammeretasse na chance, ma lloco nn'è concessa
Fratemo, ce serve 'o mare e 'o sole
Me manca l'aria mo, dateme n'areosol (Guagliù)
'O gas ca aumenta e 'o fummo ca trase 'int'a ll'uocchie (Guagliù)
Na cassa potente ca trase 'int'ê ccape d''a ggente

[Strofa 1: Rocco Hunt]
Prego p''e frate mieje
Che 'a Madonna ll'accumpagna 'ncopp'â ggiusta via
Primma che 'o diavulo s''e mmagna
Chi ancora mo cerca 'a luce aret'ô buco 'e na persiana
Chi ancora trova fiducia pe na birra e 'a canna mmano
Troppi frate 'mmiez'â via c''a speranza 'e na fatica
Quanno te scite 'a matina e pienze ca 'a vita fa schifo
Ogne juorno è tale e quale quanno 'o passe aret'ê celle
P'ogne frate ca nun molla e 'int'ô futuro sta all'inferno
E nn'esse' triste si alla fine 'o meglio 'e nuje po vola 'ncielo
Tombe bianche e cimitero, 'a vita nn'è comme 'o Vangelo
N'ata mamma ca mo chiagne pecché 'o figlio nun s'arrepiglia
Ha preferito 'o niro e 'a morte e se cunsola cu na pera
Allucca dô balcone: "Vamme a piglià 'e sigarette"
Faje 'o piacere a chi nun scenne pecché è in libertà ristretta
Pecché 'a vita l'ha custretto a puntà 'o fierro e d'aprí 'a cassa
Pecché 'a vita mette ê strette e cchiù vaje annanze e cchiù te scassa
Chiove forte e nn'tengo colpa
Ogne rimorso brucia 'ncuorpo
Pe m''o chiagne' e bagno 'o volto
Tutt''o riesto gira stuorto
E nun è overo che adoppo che chiove l'arcobaleno
Sollieva 'e ppene e mette tutt''e ccose ô posto suojo
'A speranza è l'ultima ca more, ma spisso
È 'a primma che t'abbandona 'mmiez'ô grigio 'e 'stu stratone
Ma addò sta ll'ammore? L'aggio letto 'int'ê poesie
Ma spisso è n'eresia che fa male e po te manna 'a fore

[Ritornello: Clementino & Rocco Hunt]
Fratemo, ce serve 'o mare e 'o sole
Me manca l'aria mo, dateme n'areosol (Guagliù)
Aspetto aret'â fenesta fin quanno 'a pioggia nun cessa (Guagliù)
M'ammeretasse na chance, ma lloco nn'è concessa
Fratemo, ce serve 'o mare e 'o sole
Me manca l'aria mo, dateme n'areosol (Guagliù)
'O gas ca aumenta e 'o fummo ca trase 'int'a ll'uocchie (Guagliù)
Na cassa potente ca trase 'int'ê ccape d''a ggente

[Verse 2: Clementino]
Iena White, Rocco Hunt, on the night, smoke the blunt
Hydro, Salierno e Napule, fratemo, vaje mo
'E plance 'int'â tanica, arancia meccanica, 'a ganja cchiù chimica
E Lyrical Drugs c''o spirito in panico
'Stu smog è nu fracasso, l'unico sfogo fra casso e rullante
Po 'o stress te passa, e chi cade accullasse
Ce sta chi soffre aret'a 'sti sbarre, aumentano e sgarre, 'sti sbirre me teneno 'nganna
Clementino spacca 'e vetrine, crack e petrine
Maccarune e vino, pacchere d''o regime
Po cade 'a regina, poca candeggina
Tu t''a tire, fin'a 'int'ê gengive
E l'aria nun se respira, e nun staje cchiù attivo
Fin'a che punto stammo sicure?
Cercammo 'e cure contro 'e disavventure
Ê vote pare ca parlo c''o muro
Mentalità vincente, cu nu microfono allucco pe na città ca nun sente

[Ritornello: Clementino & Rocco Hunt]
Fratemo, ce serve 'o mare e 'o sole
Me manca l'aria mo, dateme n'areosol (Guagliù)
Aspetto aret'â fenesta fin quanno 'a pioggia nun cessa (Guagliù)
M'ammeretasse na chance, ma lloco nn'è concessa
Fratemo, ce serve 'o mare e 'o sole
Me manca l'aria mo, dateme n'areosol (Guagliù)
'O gas ca aumenta e 'o fummo ca trase 'int'a ll'uocchie (Guagliù)
Na cassa potente ca trase 'int'ê ccape d''a ggente