Testo di O’ SAJE COMME FA O’ CORE – Voga ft. Vale Lambo, Vettosi

[Testo di "O' SAJE COMME FA O' CORE" ft. Vettosi & Vale Lambo]

[Parte I]

[Intro]
Oh, I'm fine [?]
Maybe I changed due [?]
Que pongan Voga

[Ritornello: Vettosi]
Nn'ce fanno bbuono a nuje tutte 'sti bucie, ce fanno male (Yeah)
Ma tu sî ll'unica ca cu'mmé è stata capace (Oh-oh)
Sî stata brava a me fà bbene e adoppo a me fà male (Yeah)
So' stato scemo a te dà 'o core, ma er''a í accussí

[Strofa: Vale Lambo]
Ehi (Skrrt)
Allora è overo ca m'hê ditto na bucia, nun vuò stà â casa mia
Te ne sî juta quando me servive
'A canzone mo 'a saje bbona comme nu pentito
Pe'tté nun so' maje stato 'o primmo e forse manco ll'urdemo
Pe chesto mo è fernuta, pеcché nun era giusto (Ah-ah-ah)
Te voglio bbenе 'o stesso pure si nun ce capimmo
Pecché vuò tutte cose e nun 'o vide sî egoista, ah-ah
Tu vulive cchiù a tte, nun vulive cchiù a me, nun vulive cchiù a nuje
Si pe'tté ce vò na casa, a mammà ce vò na villa e nun simmo cchiù nuje
Tu vulive cchiù a tte, nun vulive cchiù a me, nun vulive cchiù a nuje
Si pe'tté ce vò na casa, a mammà ce vò na villa e nun simmo cchiù nuje

[Ritornello: Vettosi]
Nn'ce fanno bbuono a nuje tutte 'sti bucie, ce fanno male (Yeah)
Ma tu sî ll'unica ca cu'mmé è stata capace (Oh-oh)
Sî stata brava a me fà bbene e adoppo a me fà male (Yeah)
So' stato scemo a te dà 'o core, ma er''a í accussí

[Parte II]

[Intro: Rico]
Voga (Ma er''a í accussí)
Yeah, yeah

[Strofa: Rico]
Simmo sempe state diverse
Tu stive 'e casa ô quarto piano a piazza Amedeo
I' ô primmo piano 'int'â Turretta
Pateto faceva 'o giudice, ma a fà 'o pate nn'era d''o mestiere
Mammeta t'ha visto crescere 'nzieme â cameriera
E nn'te saje fà manco 'o lietto
M'hê 'mparato ca tutt''e sorde d''o munno nun accattano ll'affetto e 'a fede
E 'a cassaforte chiena nn'm'ha maje fatto specie
Te ridette 'nfaccia quando diciste: "Stongo a probleme"
Patemo perdette 'a fatica, partette dummeneca
Prigaje ca chillu juorno 'a machina nn'parteva
Mamma jeva e bbeneva
Sorema s'ha chiagnuto tutte cose sulo essa
Me scarfavo ll'acqua 'ncopp'ô fuoco pe me lavà a piezze
Diciassett'anne tenevo ca te cunuscette
A chell'età nn''o pienze ca ll'opposte nun ponno maje vencere
Tutt''e due 'e Napule e nn'ammo parlato maje 'a stessa lengua
Ma, si me guardo areto, 'o ssaje che penzo?
'A prospettiva 'e vita mia è chesta, signata d'addò vengo
E ccà, si vence, è sultanto na coincidenza
L'eccezione ca conferma, ma nun cagna 'e regole
A ll'epoca nemmanco tu 'o ssapive, era sulo questione 'e tiempo
Fossemo fernute 'o stesso, seh
Tu hê scelto 'e me lascià pe sempe
'A storia nosta appriesso
'A nun me fà fidà 'e nessuno a me spuglià cu chesta
A vedé 'o male 'int'a ogne frate
A te cercà 'int'a ll'uocchie 'e n'ata
A te sunnà cu ll'uocchie aperte
I' nn'te rispetto, sulo i' saccio chi sî tu overamente
'A cattiveria se fa spazio areto ê maschere cchiù belle
E a me ca t'aggio fatta femmena
'Sta favola nun m''a può vennere
Sento na lacrema scennere
Aggio perdunato c''o silenzio
Accussí fa chi ama sé stesso
Guardo 'o mare, è trasparente e veco a n'ommo dint'ô specchio
Sta 'o nomme tuojo 'int'a ogne piezzo
'Ncopp'ê spalle m'aggio scritto na prumessa
Ma nn'è nu ringraziamento pe'tté

[Outro: Rico]
Ma nn'è nu ringraziamento pe'tté, seh
Ma nn'è nu ringraziamento pe'tté