Testo di Pe’ vula’ nata vota – Rocco Hunt

[Testo di "Pe' vula' nata vota"]

[Strofa 1]
Né vincitore né sconfitte 'int'a 'sta guerra
Ce sta nu figlio 'e Ddio 'int'a nu lenzulo spuorco 'e sanghe 'nterra
E mo a che serve 'a fà na stesa pe vendetta
Si 'stu figlio nn'pò turnà 'mbraccio a mamma che l'aspetta?
Troppo ampresso a fà na scelta si 'ngalera ce vaje a quinnece
Airola, cade na lacrema 'mmiez'ê parole
E crideme quanno te dico: "Sciglie na via bbona"
Tu haje raggione, nn'tiene niente, sì, ma a chesta età nn'se more
'Int'a nu vascio na guagliona venne ammore
E si fa 'a vita, è pecché vulesse na vita migliore
Ragazza madre pecché chi 'a mettete incinta
Era n'ommo senza palle che l'amava ma pe finta
'A dignità e 'o curaggio 'e chi fatica senza scuorno
Chi invece semina 'stu male, more tutt''e juorne
E quanti ccose te putesse raccuntà ancora
Ma, si parlasse, te putesse pure spezzà 'o core

[Ritornello 1]
È meglio na capanna addò se ride 'e nu castello addò se chiagne
I' pe turnà a chillu juorno t''o ggiuro te desse tutt''e juorne areto
Pecché, cardillo mio, rieste a Nisida cu'mmé tu ca putisse ascì vulanno?
I' pe vulà n'ata vota t''o ggiuro te desse tutt''e sbaglie areto

[Strofa 2]
L'istituzione 'nguoll'a nuje putevano fà 'e cchiù
L'istruzione, 'o professore puteva fà 'e cchiù
Fuck you, nn'm'hê maje chiesto si stevo felice
Fanno cchiù paura 'e parole ca uno nun dice
Tenimmo tutte cose, ma 'a dinto nun tenimmo niente
Nun amammo, ce spugliammo, è tipo n'intrattenimento
E preferimmo na bucia a n'amara verità
Mo ca sapimmo tutte cose, ma nn'sapimmo cchiù campà
Annalisa era 'a cchiù bella, na stella 'mmiezo Furcella
Quinnec'anne, età de suonne, 'e suoje fernettero 'int'a niente
Chillu juorno maledetto nu proiettile 'a 'ccedette
Era n'innocente, Ddio addò steva? Che facette?

[Ritornello 2]
È meglio na capanna addò se ride 'e nu castello addò se chiagne
I' pe turnà a chillu juorno t''o ggiuro te desse tutt''e juorne areto
Pecché, cardillo mio, rieste a Airola 'nziem'a mme tu ca putisse ascì vulanno?
I' pe vulà n'ata vota t''o ggiuro te desse tutt''e sbaglie areto

[Bridge]
C'affezzionammo ê cose e ce scurdammo d''e valore e 'a capa nn'arreposa
Sempe in posa, amm''a fà 'e foto pe fà 'o post
Comme si 'a felicità fosse Instagram o TikTok
Si 'o munno è stuorto, mannammo 'e criature a scola
L'hann''a capì ca 'a cultura è 'a salvezza lloro
L'hann''a sapé che vuol dire 'a fà 'e sacrificie
E ca nun sempe chi ride overo è felice

[Ritornello 1]
È meglio na capanna addò se ride 'e nu castello addò se chiagne
I' pe turnà a chillu juorno t''o ggiuro te desse tutt''e juorne areto
Pecché, cardillo mio, rieste a Nisida cu'mmé tu ca putisse ascì vulanno?
I' pe vulà n'ata vota t''o ggiuro te desse tutt''e sbaglie areto

[Outro]
È meglio na capanna addò se ride 'e nu castello addò se
Mammà me dice sempe: "'E solde a te nn'te cagneno pecché cunusce 'a famme"