Testo di Primm Ca M N Vac – Yung Snapp

[Testo di "Primm Ca M N Vac"]

[Intro]
Yeah, mhm
Yung Snapp made another hit

[Strofa 1]
Può essere felice pure si nun tiene niente (Yeah)
Nisciuno maje m'acciso (No), m'aizo tutt''e matine (Yeah)
Nipotemo disegna 'o cielo grigio c''a matita
Nun ce stanno culure, ormaje veco che già ha capito
È tale e quale a mme, pe chesto che ll'invidio
'Mmiez'â famiglia mia, 'e ll'ate nun me fido
I' c'aggio dato na mano a chi nn's'ammereta nu dito
Chi pe nu paro 'e briciole 'е successo m'ha tradito
'A gente parla sеmpe troppo assaje, t'accurtella ch''e parole
Faccio finta 'e nn''e sentí, nn''e ddongo soddisfazione
Vedimmo po chi è ccà dinto ll'urdemo che more
Ma sempe c''o rispetto, sempe cu educazione
I' so' crisciuto ampresso, certi ccose nun t''e sciglie
Aggio visto a fratemo chiagnere, è nato 'o figlio
Voglio stà felice e fà stà bbuono tutt''a famiglia
Prego a babbo ca me manca, vulesse nu cunsiglio
I' cerco 'e stà calmo (Calmo), sento tutt''e parole (Yeah)
Ê vvote nun parlo, ma capisco tutte cose (Yeah)
Pe'tté ce stongo sempe, ma capisceme stavota
I' c'aggi''a pruvà primma che me ne vaco

[Ritornello]
Primma che me ne vaco, yeah
Primma che me ne vaco, ah
Primma che me ne vaco, i' c'aggi''a pruvà, yeah

[Strofa 2]
Sempe stato sulo pecché ero chillo diverso
Ve 'ppengo 'e tutt''e manere e lloro fanno pure 'o cesso
Mo che saccio comme te ne jesce 'a dint'â merda
Nun tengo paura si me trovo 'int'â tempesta
Eh, guardo 'int'ô riflesso, eh, nun songo cchiù 'o stesso
Penzo a quanti vvote fissavo 'o cielo 'a depresso
Eh, pigliate 'a vendetta, eh, pigliate 'o 'nteresse
A nu certo punto po se cresce
Aggio perzo sorde, perzo sigarette, ma nun perdo 'o vizio
Perzo fiducia dint'ê perzone, 'stu munno fa schifo
Perzo a babbo, penzavo era 'a fine, invece era ll'inizio
L'unico ca me sorrideva, ca nn'faceva finta
Nn'tengo 'a capa aizata, sento 'o peso, nun me fermo
Responsabilità ormaje songo 'o doppio 'e me
Me diceno nn'se cagna annanze a chi tene ll'esempio
Mo m'hann''a sulo accidere, na botta dint'â tempia, eh
I' cerco 'e stá calmo, ma nn'è sempe facile
Ê vvote nun parlo, si sto tremmanno, abbracciame
Lascio 'e ricorde areto dint'ê fiamme e guardo annanz'a me
I' c'aggi''a pruvà primma che me ne vaco
Fin quanno me ne vaco

[Outro]
Welcome to Hotel Montana