Testo di Rint a’ Merd – Rocco Hunt

[Testo di "Rint a' merd"]

[Strofa 1]
'Sti bastardi ce censurano, ce usano
'E bbocche ce chiudeno, adoppo abusano
Senza differenze so' 'a stessa merda
Telegiornali telecomandati peggio 'e na macchinetta
Rai e Mediaset, sorde ca girano
Ll'ati paesi rideno, l'Italia è na barzelletta
È nu gioco politico, simmo ridicoli
Nun tenimmo manco 'a minima idea 'e chello ca c'aspetta
Berlusconi cummanna, nun veco miglioramente
Mentre 'a sinistra è inesistente, ogne italiano ne esce perdente
Né destra, né sinistra, chi c'amministra s'è visto, stammo dint'â merda
Ato che Uomene e Donne 'ncopp'ô trono
I' veco donne e uomene ca 'e famme se moreno, stammo 'a fore
Ogne juorno è peggio, state dint'ê piscine
L'acqua è poca e 'a papera nun galleggia

[Ritornello]
Chesto è dedicato a te ca spesso
Nun arrive â fine d''o mese, e accumule 'stu stress
Tiene dduje figlie, na mugliera e saje essere allero 'o stesso
Pure si nun tiene 'o Mercedes
Chesto è dedicato a te ca spesso
Nun arrive â fine d''o mese, e accumule 'stu stress
Tiene dduje figlie, na mugliera e saje essere allero 'o stesso
Pecché t'abbasta sulamente chesto

[Strofa 2]
Maria De Filippi, Alessia Marcuzzi che ne sapeno?
Ca stasera n'atu criaturo more
Pe lloro l'importante è ca magnano, se saziano
Pe tutt''e sorde ca 'sti luse ce regalano
È na corsa all'oro, fratemo fatica pe na vita tridece ore
'E stessi sorde ca nu politico piglia dint'a na jurnata sola
Me n'eggi''a gghí, lontano da qua, lloco stanne 'a fore
Giurnale ca diceno sulo strunzate
Rimango schierato contro Camorra e Stato
Dduje cose opposte, ma ca henno sempe collaborato
A 'sta tavola 'nfame 'a famiglia mia nun s'è maje assettata
Eggio rimasto diuno, eggio vissuto 'a fame
E maje nisciuno m'he regalato 'o ppane
Eggio visto chiagne' a chi me vuleva bene
Sulo pecché senza sorde 'stu core accusa 'o veleno

[Ritornello]
Chesto è dedicato a te ca spesso
Nun arrive â fine d''o mese, e accumule 'stu stress
Tiene dduje figlie, na mugliera e saje essere allero 'o stesso
Pure si nun tiene 'o Mercedes
Chesto è dedicato a te ca spesso
Nun arrive â fine d''o mese, e accumule 'stu stress
Tiene dduje figlie, na mugliera e saje essere allero 'o stesso
Pecché t'abbasta sulamente chesto