Testo di Rivoluzione – Rocco Hunt

[Testo di "Rivoluzione"]

[Intro]
Vulesse credere ancora
Chelli frase d'ammore scritte 'nfaccia ô muro sott'â casa soja
Credere ancora ch'esiste chi parla 'e fà 'a rivoluzione
Ognuno 'a vita d''a soja, nasce e muore da solo
Na pistola 'e parole spara 'a verità

[Strofa 1]
Hai ragione, aggio peccato, però nun me ne pento
Pecché penzo ca ccà fore ormaje nisciuno è innocente
Esiste nu Ddio, ma a nuje nun ce sente
Si no 'o cumpagno mio nun fosse muorto pe niente
Mia mamma nun crisceva 'int'a n'orfanotrofio
'Int'a chella sparatoria nun mureva nu guaglione ca nun c'azzeccava proprio
'E guardie nn'se pigliavano l'abuso
Pe na busta hanno miso 'e mmane 'ncuollo a nu muccuso
Aggio tradito ll'arte
M'aggio assettato a tavola c''o diavolo vincenno na partita a carte
È overo, so' cchiù ricco, ma so' cuntento mo?
Quale so' 'e valore? Quale songo 'e bro?
Ma pecché te spuoglie si nun ce sapimmo?
Famme turnà â casa, tengo ggià nu figlio
'O problema 'e chella femmena è che è bella assaje (E porta sulo guaje)

[Ritornello]
Vulesse credere ancora
Chelli frase d'ammore scritte 'nfaccia ô muro sott'â casa soja
Credere ancora ch'esiste chi parla 'e fà 'a rivoluzione
Ognuno 'a vita d''a soja, nasce e muore da solo
Na pistola 'e parole spara 'a verità
Voglio credere ancora
Ca 'a speranza nun more e fa realizzà 'e suonne a chi ce mette 'o core
Credere ancora ch'esiste nu Ddio ca c'osserva e perdona
Si se spacca 'a famiglia, a suffrí songo 'e figlie
Nun 'o ssanno quale strada hann''a piglià

[Strofa 2]
Sto in ginocchio annanz'a Ddio, però nun cerco perdono
Pecché tengo ggià nu posto prenotato all'inferno
Nn'aggio acciso maje a nisciuno, l'aggio fatto ch''e pparole
Però aggio infranto chill'ati comandamente
Desiderato cose 'e ll'ate pecché nn''e tenevo
M'annascunnevo 'int'ô cuscino, 'a notte chiagnevo
Me piace ascí ogne sera e mangià ê ristorante
Piglio chello ca voglio, 'o prezzo nn''o veco manco
Brioscina sottomarca, se bloccava 'nganna
Na vita a retromarcia, durmevo 'ncopp'ô banco
M'arricordo ancora quanno 'a cunuscette
'O capette al volo ch'era 'a prima scelta
Tu nun sî na femmena usa e ggetta
Cu'tté 'ncapa tengo nu progetto
T'hê pigliato 'e me difette e prege
E chi sbaglia na vota 'o ssaje ca sbaglia sempe
N'ammore comm'a chisto, no, nun fernesce pe colpa 'e na scema
'Int'â vita faccio 'a differenza tra chi me vò e chi m'appartene
'E me t'hanno ditto ca nun so' nu santo e nun pozzo cchiù ddice': "Nn'è overo"
Ricuordate, quanno nn'ce steva nisciuno, i' ce stevo

[Ritornello]
Vulesse credere ancora
Chelli frase d'ammore scritte 'nfaccia ô muro sott'â casa soja
Credere ancora ch'esiste chi parla 'e fà 'a rivoluzione
Ognuno 'a vita d''a soja, nasce e muore da solo
Na pistola 'e parole spara 'a verità
Voglio credere ancora
Ca 'a speranza nun more e fa realizzà 'e suonne a chi ce mette 'o core
Credere ancora ch'esiste nu Ddio ca c'osserva e perdona
Si se spacca 'a famiglia, a suffrí songo 'e figlie
Nun 'o ssanno quale strada hann''a piglià