Testo di Tengo voglia ’e sunnà – Rocco Hunt

[Testo di "Tengo voglia 'e sunnà"]

[Strofa 1]
'O tiempo ca è passato, 'e rrughe 'nfaccia a chi vuò bbene
E quanta lotte ammo affruntato, e po? Nun è valsa 'a pena
Ammo sufferto, 'o ssape Dio si ammo sufferto
Ammo aspettato na furtuna, na guagliona, na bulletta
Nu viecchio me dicette: "Guagliò, batte 'o martiello"
'O guardaje fisso 'int'a ll'uocchie e c''o rispetto c''o diciette
Nuje crisciute senza niente primma o poje amm''a avé tutte cose
Pecché chi nun nasce ricco 'int'a 'stu posto nn'arreposa
'O ssaje, diceno ca 'a paura è 'a cchiù antica d''e scritture
Cchiù vecchia d''e sumere e nun 'a supera nisciuno
'Mpietto a mme tengo nu muro 'nfame, ma nun è Berlino
'O core cerca 'e scavalcà, resta bloccato 'mmiez'ê spine
'O sguardo 'e nu criaturo c''o pigiama a righe
Che schifezza, umani in fila, 'e ccose ca nun dice 'a Bibbia
Guardammece 'int'a ll'uocchie e addumannammece chi simmo
Si ce basta na scintilla a ce dà 'ncuollo comme scimmie

[Ritornello]
Tengo voglia 'e sunnà, 'stu munno è bello sulo dint'ê suonne
E tengo voglia 'e alluccà pecché sto zitto sempe tutt''e juorne
Ma po chiudo ll'uocchie e m'accuntento cu poco
So' partuto e so' turnato, nn'sî cagnata, staje lloco
Ma po 'a notte passa, ma i' purtroppo nun dormo
Me sento nu criaturo ca nun è crisciuto ancora

[Strofa 2]
Lascio n'impronta, nn'me ne 'mporta ca 'o tiempo ce sporca
'O niro 'mmiez'a ll'ogne, 'o vico 'e chi se pogna
'A morte dint'a ll'uocchie 'e chi ce prova ma nn's'addorme
E parla 'a sulo 'mmiez'â via senza nisciuno ca 'o risponne
E so' lunatico è overo, pure nu poco egoista
E pochi vvote so' serio, quando scrivo, registro
Me stupisco c''a neve pecché nun l'aggio maje vista
I' so' crisciuto â scogliera, penzo ô mare e so' triste
Troppo bello 'o panorama 'e 'sta città
Da ccà 'ncoppa pare ca si stienne 'a mano 'a può tuccà
C'amm''a fermà pecché currimmo troppo e nun se pò cchiù fà
Pecché stammo rimpiangenno nu passato ca purtroppo nn'pò turnà
E si truvasse nu sollievo me scurdasse d''e probleme
Cancelasse tutt''e sere e tutt''e ccose fatte assieme
E nun è overo ca l'uommene nun chiagneno
L'orgoglio da turmiento, quando t''a siente chiammame

[Ritornello]
Tengo voglia 'e sunnà, 'stu munno è bello sulo dint'ê suonne
E tengo voglia 'e alluccà pecché sto zitto sempe tutt''e juorne
Ma po chiudo ll'uocchie e m'accuntento cu poco
So' partuto e so' turnato, nn'sî cagnata, staje lloco
Ma po 'a notte passa, ma i' purtroppo nun dormo
Me sento nu criaturo ca nun è crisciuto ancora

[Outro]
Yeah, e chesta va a chi m'ha fatto arrevà addò stongo, yeah
A tutt''e guagliune, 'a comitiva, e nun dicite ca nun songo cchiù chillo 'e primma
Pecché 'o sapite primma vuje ca songo sempe 'o stesso 'e sempe, yeah
A stà ô posto mio nun è facile, e i' 'o stesso tengo voglia 'e sunnà
Tengo voglia 'e sunnà, tengo voglia 'e sunnà